बीबीसी । भारतीय मूलकी अमेरिकी सांसद कमला हैरिसले सन् २०२० मा हुन गइरहेको राष्ट्रपति निर्वाचनमा उमदवारी दिने घोषणा गरेकी छिन् । कमला डेमोक्रेटिक पार्टीका तर्फबाट राष्ट्रपति पदका लागि उमेदवारी दाबी गर्ने आठौंमा पर्छिन ।
सन् २०१६ मा क्यालिफोर्नियाबाट सांसदमा निर्वाचित कमला त्यस अघि सोही राज्यकी अटार्नी जनरल थिइन । उनले एबीसीसँग भनेकी छिन्, ‘‘मा आफ्नो देशलाई माया गर्छु र देशको हितका लागि चुनाव लड्छु ।’’
राष्ट्रपति डोनल्ड ट्रम्पकी आलोचक मध्येमा पर्ने ५४ वर्षिया कमला पार्टीभित्र प्रभाव जमाउँदै गएकी छिन् । डेमोक्रमेटिक पार्टीकै एलिजाबेथ वारेन, क्रिस्टन गिलीब्रांड, तुलसी गबार्ड, जोन डेलेन र जुलियन कास्त्रोले पनि यसअघि नै राष्ट्रपति निर्वाचनमा उमेदवारी दिने घोषणा गरेका थिए ।
कमलाले ट्विटरमा एक भिडियो पोस्ट गरेकी छिन् । भिडियोमा उनले भनेकी छिन्, ‘‘हाम्रो देशको भविष्य तपाईं र तपाईं जस्ता लाखौं नागरिकहरुमा निर्भर छ, जो अमेरिकी मूल्य–मान्यताका लागि आवाज उठाउँछन् । यही कारण म राष्ट्रपति पदको दौडमा सहभागी भइरहेकी छु । म ती आवाजहरु उठाउँछु ।’’
डेमोक्रेटिक पार्टीबाट एकभन्दा बढी महिलाहरु पार्टीका तर्फबाट गरिने नोमिनेशनका लागि लडिरहेका यो पहिलो पटक हो । चुनावी अभियानमा यस पटक चार महिलाहरु मैदानमा हुने छन् ।
बीबीसीबाट