काठमाडौं । नेपाल आइडल सिजन—१ का प्रतिस्पर्धी सुरज थापाले नयाँ गीत सार्वजनिक गरेका छन् । ‘हे बरै आएन परदेशी...’ बालको गीतमा शब्द, संगीत र स्वर सुरज स्वयम्को छ । 

गाउँमा साहुसँग ऋण लिएर पैसा कमाउन खाडी मुलुक गएको छोरो नफर्किँदा परिवारले भोग्नु परेको पीडा गीतमा भनिएको छ । परिवन्दले कमाउन गएको छोरो जेलमा परेपछि त्यसले घर परिवार र ब्यबाहारमा पर्ने गरेको आम समस्यालाई गीतमार्फत सुरजले भन्ने प्रयास गरेका छन् ।

गीतको भिडियो समेत तयार पारिएको  छ । उत्तम हुमागार्ईले खिचेको भिडियो विकास दाहालले सम्पादन गरेका छन् । निर्देशन सुरज आफैँले गररेका छन् । 

कलाकारका रुपमा चन्द्र बहादुर थापा, मन बहादुर थापा, कबी राम थापा, दिल माया थापा, तारा थापा, आरुशी परियार, एन्जल थापा, मनन थापा, गौरब थापा, जुनु थापाले अभिनय गरेका छन् ।