काठमाडौं । ललितपुरस्थित नख्खुमा रहेको एनसेलको टावरमा बम विष्फोट भएको छ । नख्खु चोक नजिकको एनसेल टावरमा शुक्रबार बेलुका समूहले बम विष्फोट गराएको प्रहरीले जनाएको छ ।

बम विष्फोटमा तीनजना घाइते भएको ललितपुर प्रहरी प्रमुख रवीन्द्र धानुकले जानकारी दिए । प्रहरीका अनुसार घाइतेमध्ये एकजनाको अवस्था चिन्ताजनक छ । 

घाइते प्रतिक्षा खड्काको अल्का अस्पताल, आयुषा मानन्धरको मेडिसिटी अस्पताल र सिंहप्रसाद गुरुङको बिएण्डबी अस्पतालमा उपचार भइरहेको प्रवक्ता उत्तमराज सुवेदीले जानकारि दिएको राससले जनाएको छ ।

बम ठूलो आवाजले पड्किएको ललितपुरका स्थानीयवासी प्रकाश सोतीले बताए ।