धनगढी । धनगढी प्रिमियर लिग (डीपीएल) ३ अन्तर्गत सिवाइसी अत्तरियाविरुद्धको फाइनलमा महेन्द्रनगर युनाइटेडले टस जितेर ब्याटिङ रोजेको छ । काठमाडौंले डीपीएल बहिष्कार गरेपछि महेन्द्रनगर दोस्रो क्वालिफायर्स नखेलि सोझै फाइनलमा पुगेको थियो ।
आफ्ना बलर भारतिय खेलाडी अंकित दबासलाई बलिङ गर्नबाट प्रतिबन्ध लगाएपछि त्योको विरोध स्वरुप काठमाडौंले प्रतियोगिता बहिष्कार गरेको थियो । काठमाडौंलाई नै पहिलो क्वालिफायर्समा हराउँदै अत्तरियाले फाइनल यात्रा तय गरेको थियो ।
अत्तरियाको कप्तानी राष्ट्रिय क्रिकेट टोलीका सदस्य दीपेन्द्र सिंह ऐरीले गरेका छन् भने महेन्द्रनगरको कप्तानी अर्का राष्ट्रिय खेलाडी शदर भेषावकरले गरेका छन् । प्रस्तावित फाप्ला अन्तर्राष्ट्रिय क्रिकेट मैदानमा उपाधि विजेता टोलीले ३० लाख रुपैयाँ प्राप्त गर्नेछ ।