काठमाडौं । चन्द्रागिरि नगरपालिकाको मच्छेगाउँ–९ मा राँगोको आक्रमणमा एक जनाको मृत्यु भएको छ । आक्रमणको करवि ३ घण्डा पछि लखेट्दै गएको प्रहरीले दहचोक पुगेपछि गोली हानेर मारेको छ ।
राँगोको आक्रमणबाट शनिबार बिहान स्थानीय ७० वर्षीय मानबीर महर्जनको मृत्यु भएको डीएसपी कुमार विक्रम थापाले जानकारी दिए । मर्निङवाकमा निस्किएका महर्जनलाई राँगोले आक्रमण गरेको थियो । गम्भीर घाइते महर्जनलाई उपचारका लागि कीर्तिपुर अस्पताल लैजाँदै गर्दा बाटोमै मृत्यु भएको प्रहरीले जनाएको छ ।
राँगो कसको हो भन्ने नखुलेको माहानगरी प्रहरी प्रभाग वलम्वुका प्रहरी निरिक्षक शकंर खड्काले वताए ।
राँगोले मान्छे मारेपछि महानगरीय प्रहरी वृत्त थानकोट र महानगरी प्रहरी प्रभाग वलम्वुको टोली र स्थानीयबासीले राँगोलाई नियन्त्रणमा लिने प्रयास गरेका थिए । मच्छेगाउँबाट खेद्दै दहचोक पुगेपछि प्रहरीले राँगोमाथि गोली चलाएको थियो । थप क्षति हुनबाट जोगाउन गोली चलाएको प्रहरी नायव उपरीक्षक थापाले वताए ।
राँगोलाई नियन्त्रणमा लिदाँ महानगरी प्रहरी प्रभाग वलम्वुका प्रहरी हवल्दार लालवहादुर राना सामान्य घाइते भएका छन् ।