काठमाडौं । बल टेम्परिङको एक वर्षे अन्तर्राष्ट्रिय प्रतिबन्ध सकिएको दिन आज अष्टे«लियाका पूर्वकप्तान स्टिभ स्मिथ र पूर्वउपकप्तान डेभिड वार्नर पहिलो पटक आमनेसामने हुँदैछन् । 
दुबै आज बेलुका इण्डियन प्रिमिएर लिग (आइपिएल) क्रिकेटको आठौं खेलमा प्रतिस्पर्धा गर्न लागेका हुन् । स्मिथ राजस्थान रोयल्स र वार्नर सनराइजर्स हैदराबादको प्रतिनिधित्व गर्दैछन् । खेल नेपाली समयअनुसार बेलुका ८ः१५ बजे हैदराबादको घरेलु मैदान राजिव गान्धी स्टेडियममा सुरु हुनेछ । 

यसअघिको खेलमा पराजय भोगेका दुबै टोली पहिलो जितको खोजीमा छन् । केन विलिम्सनको कप्तानीमा रहेको हैदराबादले यसअघि कोलकत्ता नाइट राइडर्ससँग ६ विकेटको पराजय भोगेको थियो । अर्जिक्य रहानेको कप्तानीमा रहेको राजस्थान पहिलो खेलमा किङ्स–११ पन्जाबसँग पराजित भएको थियो ।