काठमाडौं । निर्माणका लागि घोषणा गरिएको चलचित्र ‘छ माया छपक्कै’मा मुख्य भूमिका दीपकराज गिरीले निभाउने भएका छन् ।
चलचित्रमा कलाकार कोको हुने निर्माण पक्षले सार्वजनिक नगरे पनि स्रोत अनुसार दीपकराज गिरी र केदार घिमिरे मुख्य भूमिकामा रहने छन् । बाँकी कलाकार कोको हुने तय भइसकेको छैन ।
‘छक्का पञ्जा’ सिरिजमा नछुटेका जितु नेपाल भने यो चलचित्रमा अटाउने छैनन् । यही उनलाई चलचित्रमा समेट्ने अवास्था आएको खण्डमा केमियो रोलमा मात्रै देखिने छन् । चलचित्रको कथामा उनी अटाएका छैनन् । चलचित्रको कथा दीपकराज गिरी आफैँले लेखेका हुन् ।
‘छ माया छपक्कै’ यही वैशाखबाट छायांकन सुरु गरिने र दसैंमा रिलिज हुने दीपकराज गिरीले जनाएका छन् ।
‘छ माया छपक्कै’लाई दीपेन्द्र लामाले निर्देशन गर्नेछन् । ‘छ माया छपक्कै’ सरस्वती मुभिज र रोहित अधिकारी फिल्मस्ले निर्माण गर्नेछ ।
लामा ‘घाम पानी’ र ‘गोपी’ का निर्देशक हुन् ।