काठमाडौं । प्रहरी महानिरीक्षक (आइजीपी) सर्वेन्द्र खनालले नेत्रविक्रम चन्द ‘विप्लव’ समूहलाई संकेत गर्दै विध्वशांत्मक गतिविधिमा संलग्न जो कोहीलाई पनि कानूनी दायरमा ल्याइने बताएका छन् ।
प्रहरी प्रधान कार्यालयमा आयोजित कार्यक्रममा खनालले भने,‘‘कानून विपरीतका गतिविधीलाई पूर्णरुपमा निरुत्साहीत गर्ने हाम्रो नीति छ । राज्यले सुम्पेको जिम्मेवारी हामी निर्वाह गर्छौ ।’’
विप्लवलाई किन समात्न नसकेको भन्ने एक प्रश्नमा आइजीपी खनालले भने, ‘‘देशभरबाट पक्राउ परिरहेकै छन् । प्रहरी सक्रिय छ बाँकी हेर्दै जानुस के-के हुन्छ ।’’
सरकारले विप्लव समूहमाथि प्रतिबन्ध लगाएपछि सुरक्षा निकायले उसका गतिविधिमाथि कडाइ गर्दै आएका छन् । प्रहरी प्रधान कार्यालयका अनुसार प्रतिबन्धपछि र अघि हालसम्म १२ जनाजति विप्लव समूहका नेता-कार्यकर्ता पक्राउ परेका छन् ।
पछिल्लो एक वर्षमा विध्वशांत्कम कार्यमा संलग्न एक सय १४ जना पक्राउ गरिएको हो । पक्राउ पर्नेमा सिके राउत समूहका नेता-कार्यकर्ता पनि थिए ।
फाइल तस्बिर