एजेन्सी । इण्डियन प्रिमियर लिग (आईपीएल) क्रिकेटमा अन्तर्गत राजस्थान रोयल्सले दिल्ली क्यापिटल्स सामु १ सय ९२ रनको लक्ष्य प्रस्तुत गरेको छ ।
जयपुरस्थित सवाई मानसिंह स्टेडियममा भइरहेको खेलमा टस हारेर पहिले ब्याटिङको निम्तो पाएको राजस्थानले निर्धारित २० ओभरमा ६ विकेट गुमाउदै १ सय ९१ रन बनाउन सक्यो ।
राजस्थानका लागि अन्जिंका रहानेले अविजित रहदै शतकीय पारि खेले । ६३ बल खेलेका उनले ११ चौका र ३ छक्काको सहयोगमा १ सय ५ रन पुरा गरे ।
त्यस्तै कप्तान स्टिभ स्मिथले अर्धशतकीय इनिङ्स खेले । ३२ बल खेलेका उनले ८ चौकाको सहयोगमा ५० रन पुरा गरे । राजस्थानका लगि स्टुट विनेले १९ रन जोडे ।
बलिङतर्फ दिल्लीका लागि कगिसो रबडाले दुई विकेट लिए । त्यस्तै अक्षर पटेल, इशान्त शर्मा, र क्रिस मोरिसले समान एक एक विकेट लिए ।