नयाँ दिल्ली । पश्चिम बंगालमा चुनावपछि सुरु भएको हिंसा बढ्दै गएको छ । पछिल्ला पाँच दिनयता हिंसाका घटनामा परी कयौं मानिसहरुको मृत्यु भइसकेको छ । कयौं घाइते भएका छन् । हिंसामा परी मृत्यु भएका र घाइते हुनेमा राजनीतिक दलका कार्यकर्ताहरु रहेका छन् ।
हिंसाका बारेमा दलहरुबीच आरोपप्रत्यारोप पनि बढ्दै गएको छ । राज्यमा भइरहेको हिंसाका लागि तृणमूल कांग्रेसले भारतीय जनता पार्टीलाई जिम्बेवार रहेको ठहर गरेको छ । पार्टीका कार्यकर्ताहरुलाई सम्बोधन गर्दै मुख्यमन्त्री ममता बनर्जीले चुनाबी फाइदाका लागि भाजपाले पश्चिम बंगालको माहौल बिगारी रहेको आरोप लगाइन् ।
उता भाजपाका नेताहरुले हिंसाको सहारा लिएर विधानसभा चुनाव जित्न नसकेपछि तृणमूल कांग्रेसले अहिले पनि हिंसा फैलाइरहेको दाबी गरेका छन् । वेस्ट बंगालमा तृणमूल कांग्रेसले २२ सीटमा मात्रै जितेको थियो भने भाजपाले आफ्नो सीट संख्या बढाएर १८ पुर्याएको थियो ।
मख्यमन्त्री ममता बनर्जीले आधिकारिक रूपमा अहिलेसम्म हिंसाका कारण १० जनाको मृत्यु भइसकेको बताएकी छिन् । तृणमूल कांग्रेस र भाजपाले हिंसामा परी मृत्यु भएकामध्ये बढी जसो कार्यकर्ताहरु आफ्नो दलसँग आवद्ध रहेको दाबी गरिरहेका छन् । बीबीसी
