धनगढी । कैलालीको अत्तरियामा भएको प्रथम गोदावरी राजधानी कप खुला फुटबल प्रतियोगिताको उपाधि धनगढीको फारवेष्ट पशुपति युवा क्लबले जितेको छ ।
नेपालगञ्ज-११ लाई ३-१ ले पराजित गर्दै फारवेष्ट पशुपतिले उपाधि जितेको हो । पीएफए स्पोर्टस क्लबको आयोजनामा तेघरीस्थित वनदेवी युवा क्लबको मैदानमा १५ औं मिनेटमा फारवेष्ट अग्रता लिएको थियो । डिबक्सभित्र पाएको बल गोलरक्षक प्रितम खड्काले रोक्ने प्रयास गरेपनि उनलाई विट गर्दै फारवेष्ट पशुपतिका कुवेर सिंहले गोल गरे ।
पहिलो हाफमा १-० ले अगाडी रहेको फारवेष्टले दुइ गोल गरेको हो ।
६३ औं मिनेटमा फारवेष्टका विक्रम सिंहले वान भर्सेस वानको अवस्थामा गोल गर्न खोज्दा गोलरक्षक प्रितम खड्काले बचाउने प्रयास गरे । तर खड्का विट भएपछि डिबक्सभित्रको वललाई सिंहले आकर्षक रुपमा गोलपोष्टको दिशा दिएका थिए ।
नेपालगञ्ज–११ ले ७३ औं मिनेटमा एक गोल फर्काएका थियो । फारवेष्टका गोलरक्षक सुजित जिसिले रोकेर फर्केको वललाई नेपालगंजका विनोद केसीले गोलपोष्टको दिशा दिएका थिए । खेल सकिन केही सेकेण्ड बाँकी रहँदा फारवेष्टका लागि विक्रम सिंहले व्यक्तीगत दोस्रो गोल गर्दै टिमको जित सुनिश्चित गरे ।
उनी फाईनल खेलको म्यान अफ द म्याच भए । प्रथम गोदावरी राजधानी कप फुटबल प्रतियोगिताको विजेता भएसँगै फारवेष्ट पशुपति नगद चार लाख रुपैयाँ पुरस्कार पाएको छ । उपविजेता नेपालगञ्ज-११ ले दुई लाख पुरस्कार पायो ।
प्रतियोगिताका सवै विधामा फारवेष्ट पशुपतिको बर्चोश्व रह्यो । उत्कृष्ट खेलाडी तथा उत्कृष्ट गोलरक्षक घोषित सुजितले २५ हजार तथा उत्कृष्ट गोलरक्षक वापत १५ हजार रुपैयाँ पुरस्कार पाए । फारवेष्टकै प्रविन सुनार उत्कृष्ट रक्षक, किरण बोहोरा उत्कृष्ट मिडफिल्डर र विक्रम सिंह सर्वाधिक गोलकर्ता भए । उनीहरुले जनही नगद १५ हजार पुरस्कार पाए ।