एजेन्सी । लियोनल मेस्सीको कप्तानिमा रहेको अर्जेन्टिना ब्राजिलमा जारी कोपा अमेरिका फुटबकको क्वाटरफाइनलमा प्रवेश गरेको छ । आइतबार राति भएको खेलमा कतारलाई २–० गोल अन्तरले हराउँदै अर्जेन्टिनाले क्वाटरफाइनलमा स्थान पक्का गरेको हो । 

अर्जेन्टिनालाई जित दिलाउन लौटारो मार्टिनेज र सर्जियो अग्युरोले एक–एक  गोल गरे । खेलको चौथो मिनेटमा मार्टिनेजले गोल गर्दै अर्जेन्टिनालाई सुरुआती अग्रता दिलाएका थिए । त्यस्तै खेलको ८२ औँ मिनेटमा अग्युरोले गोल गर्दै अर्जेन्टिनाको अन्तिम आठको यात्रा तय गराए ।  । 

अर्जेन्टिना रहेको समूह ‘बी’ को अर्को खेलमा कोलम्बियासँग पाराग्वे पराजित भएसँगै अर्जेन्टिनाको क्वाटरफाइनल यात्रा सहज भएको थियो । अर्जेन्टिनाले अव क्वाटरफाईनलमा भेनेजोयलासँग प्रतिस्पर्धा गर्नेछ ।