इस्तानबुल । टर्कीको सत्तारुढ पार्टी राजधानी इस्तानबुलमा भएको मेयरको निर्वाचनमा नराम्रोसँग पराजित भएको छ । मुख्य विपक्षी पार्टीका उम्मेदवार इक्रेम इमामोग्लुले ठूलो अन्तरबाट सत्तापक्षका उम्मेदवारलाई पराजित गर्ने निश्चित भएको छ । 

उनले गएको मार्चमा पनि  विजय हासिल गरेकोमा सत्ता पक्षले विवाद निकालेको थियो  । सत्तारुढ एके पार्टीले अनियमितता भएको भन्दै उजुरी हालेको  थियो । उनका प्रतिद्वन्दी  पूर्व प्रधानमन्त्री बिनाली यिल्दिरिमले हार स्वीकार गरेका छन् । राष्ट्रपति रिसेप तइप इर्दोगानले विजेतालाई बधाई दिएका छन् । प्रारम्भिक गणनामा उनी अघि देखिएकोले आफूले बधाई दिएको राष्ट्रपति इर्दोगानले ट्विट मार्फत जनाएका छन् ।  तर, यो परिणाम इर्दोगानका लागि ठूलो झड्का हो ।  इस्तानबुलमा जसले जित्छ उसले टर्कीमा जितेको रुपमा मानिने गरेको छ ।

नवनिर्वाचित मेयरले इस्तानबुल र टर्की दुवैमा अब नयाँ शुरुवात हुने बताएका छन् । आफूहरुले इस्तानबुलमा नयाँ पृष्ठ खोलेको बताउँदै त्यो पृष्ठमा न्याय, समानता र माया हुने भावी मेयरले जनाएका छन् । उनले आफू राष्ट्रपति इर्दोगानसँग काम गर्न इच्छुक रहेको समेत जनाएका छन् । इमामोग्लुले ७ लाख ७५ हजार मतले लिड गरेका छन् । गएको मार्चमा उनी १३ हजारले मात्रै अगाडि थिए । ४९ वर्षिय इमामोग्लुले विपक्षी रिपब्लिकन पिपुल्स पार्टीको प्रतिनिधित्व गर्छन् । 

(बीबीसी)