बेइजिङ । चीनले सिन्जियाङ्ग प्रान्तमा पश्चिमा राष्ट्रहरुले लगाएको आरोपलाई आधारहीन भएको जनाएको छ । उसले पश्चिमा राष्ट्रको दोहोरो मापदण्डले आतंकवाद विरोधी विश्वव्यापी कामलाई बाधा पर्ने समेत जनाएको छ ।
हुमन राइट्स वाचले बुधबार २२ देशको संयुक्त वक्तव्य सार्वजनिक गरेपछि चीनले कडा प्रतिवाद गरेको हो । २२ वटै राष्ट्र संयुक्त राष्ट्र संघीय मानवअधिकार परिषद्का सदस्य हुन् । चीनको विदेश मन्त्रालयका प्रवक्ता गेंग शुआङ्गले ती राष्ट्रले चीनको आन्तरिक मामिलामा हस्तक्षेप गरिरहेको जनाएका छन् । २२ देशले संयुक्त वक्तव्य जारी गरेर चीनले सिन्जियाङ्ग प्रान्तमा उहिगुर जातीय समुदायमाथि गरेको दुव्र्यवहारको आलोचना गरेका थिए ।
सिन्जियाङ्ग क्षेत्रमा संयुक्त राष्ट्र संघ तथा अन्य स्वतन्त्र पर्यवेक्षकलाई जान दिन पनि वक्तव्यमा आग्रह गरिएको छ ।
यसरी वक्तव्य जारी गर्नेमा अस्ट्रेलिया, अष्ट्रिया, बेल्जियम, क्यानडा, डेनमार्क, इस्टोनिया, फिनल्याण्ड, फ्रान्स, जर्मनी, आइसल्याण्ड, आयरल्याण्ड, जापान, लात्भिया, लिथुआनिया,लक्जेम्बर्ग, नेदरल्याण्डस्, न्यूजिल्याण्ड, नर्वे, स्पेन, स्वीडेन,स्वीजरल्याण्ड र बेलायत थिए ।
(ग्लोबल टाइम्स)