काठमाडौं । १२ औं संस्करणको आईसीसी एकदिवसीय विश्वकप क्रिकेट अन्तिम चरणमा आइपुगेको छ । सेमिफाइनलमा सर्वाधिक पाँच पटकको च्याम्पियन अस्टे«लिया र दुई पटकको विजेता भारत पराजित भएसँगै विश्वकप थप रोमान्चक बनेको छ ।
अब आइतबार घरेलु टोली इङ्ल्यान्ड र न्युजिल्यान्डबीच उपाधि भिडन्त हुनेछ । पहिलो पटक उपाधि जित्ने लक्ष्यका साथ यि दुई टोली आमनेसामने हुनेछन् ।
२७ वर्षपछि फाइनलमा पुगेको इङ्ल्यान्ड र गत संस्करणको उपविजेता न्युजिल्यानड विश्वकपको ट्रफी उचाल्ने रणनीतिमा छन् । मुख्य दाबेदार मानिएका दुई टोली अस्टे«लिया र भारत बाहिरिएसँगै नयाँ दुई टोलीको फाइनल रोमान्चक हुने अनुमान गरिएको छ ।
अर्को रोचक पक्ष के छ भने सर्वाधिक रन बनाउने खेलाडीमा यी दुई देशका खेलाडीले आफ्नो नाम दर्ता गर्न सक्नेछन् । यो सुनौलो अवसर न्युजिल्यान्डका कप्तान केन विलियम्सन र इङ्ल्यान्डका जोय रुटलाई छ । यी दुवै शीर्ष स्थानमा रहेका रोहित शर्मा भन्दा १ सय र ९९ रनले पछि छन् ।
भारतका रोहित शर्मा अहिले कीर्तिमानी पाँच शतकसँगै विश्वकपमा सर्वाधिक रन बनाउने खेलाडीको शीर्ष स्थानमा छन् । उनले यो विश्वकपमा १४ छक्का र ६७ चौकाको मद्दतमा ६ सय ४८ रन बनाए । उनीभन्दा १ रन कम बनाएका अस्टे«लियाका डेविड वार्नर दोस्रो स्थानमा छन् । ६६ चौका र ८ छक्का प्रहार गरेका वार्नरले ६ सय ४७ रन बनाए ।
बंगलादेशका सकिब अल हसन ६ सय ६ रनका साथ तेस्रो स्थानमा छन् । रोहित, वार्नर र सकिबको टोली बाहिरिएसँगै न्युजिल्यान्डका विलियम्सन र इङ्ल्यान्डका रुटलाई रोहित, वार्नर र सकिबलाई उछिन्ने अवसर छ । जोय रुट ५ सय ४९ रनका साथ चौथो स्थानमा छन् भने विलियम्सन ५ सय ४८ रनका साथ पाँचौं स्थानमा छन् । रुट रोहित भन्दा ९९ रनले पछि छन् भने विलियम्सन १ सय रनले पछाडि छन् ।
फाइनलमा उत्कृष्ट खेल प्रदर्शन गर्न सके उनीहरु शर्षि स्थानमा उक्लिन सक्नेछन् ।