दाङ । दाङको देउखुरी जिल्ला अदालतमा आर्थिक वर्ष २०७५–७६ मा २८ सयभन्दा बढी विभिन्न प्रकृतिका मुद्दाहरु दर्ता भएका छन् । अदालतले आफ्नो वर्षिक कार्य प्रगति सार्वजनिक गर्दै एक वर्षमा २ हजार ८ सय ७३ वटा मुद्दा दर्ता भएकोमा १ हजार ७ सय ८७ मुद्दा फर्छ्योट भएको जानकारी दिएको छ  ।

अदालतमा दर्ता भएकामध्ये सबैभन्दा बढी मुद्दा सम्बन्धविच्छेदका रहेका छन् । एक वर्षमा ५ सय ७५ महिला र २ सय १२ पुरुष गरी ७ सय ८७ वटा सम्बन्ध विच्छेदका मुद्दा दर्ता भएको न्यायाधिस हेमन्त रावलले जानकारी दिए । रावलका अनुसारा५ सय ५८ जनाको सम्बन्ध विच्छेद भएको छ भने २ सय २९ को बाँकी रहेको छ । त्यसैगरी १ सय ३७ वटा जवरजस्ती करणीका मुद्दा दर्ता भएकोमा ५७ वटा फर्छ्योट र ८० वटा बाँकी रहेको छ ।

जवरजस्ति करणी मुद्दामा १८ वर्ष जेल सजाय र ५ लाख रुपैयाँसम्म क्षतिपूर्ति भरणका लागि आदेश भएको न्यायाधिस रावलको भनाइ छ । साथै बहुविवाहहका २७ मुद्दामध्ये १० वटा फर्छ्योट, घरेलु हिंसाका ९ मुद्दा दर्ता भएकोमा ५ फर्छ्योट भएको छ ।

त्यसैगरी, नावालक मुद्दा ९ वटा दर्ता भएका छन् । आत्महत्यामा ४ वटा मुद्द दर्ता भएकोमा ३ वटा बोक्सी आरोपको मुद्दा दर्ता भएको छ ।