एजेन्सी । इटालीयन क्लब युभेन्टसले ७५ मिलियन युरोमा १९ वर्षीय नेदरल्यान्डका खेलाडी म्याथिज डी लिग्टलाई क्लबमा अनुबन्ध गरेको छ ।
डी लेट यूनाइटेड, बार्सिलोना र पीएसजीमा जाने भए पनि सिरी ए क्लबसँग उनले पाँच वर्षे सम्झौता गरेका छन् । अन्तिम सिजनमा डी लिग्टले अयाक्सलाई च्याम्पियन लिगको सेमिफाइनलमा पुर्याउन सहयोग गरेका थिए ।
उनी आयाक्समा छँदा ७७ लिग खेलमा ८ गोल गरेका थिए । जहाँ उनी ९ वर्षको छँदा क्लबमा आएका थिए । सन् २०१८ को मार्चमा उनी क्लबको कप्तान बनेका थिए । उनी अयाक्समा जम्मा तीन सिजन रहे ।
आयाक्सबाट युभेन्टसमा गएका डी लिग्ट सबैभन्दा महँगो मुल्यमा अनुबन्ध हुने युवा खेलाडीको सूचीमा परेका छन् ।
उनी अहिले सबैभन्दा महँगा युवा खेलाडीको सूचीमा तेस्रो स्थानमा छन् । पहिलो स्थानमा केइलिन एम्बाप्पे छन् भने दोस्रो स्थानमा जोएओ फेलिक्स रहेका छन् ।
तेस्रो स्थानका एन्थोनी मार्सललाई चौथो स्थानमा सार्दै उनले आफूलाई विश्वको सबैभन्दा महँगा युवा खेलाडीको तेस्रो स्थानमा राखेका छन् ।