देश
काठमाडौं । रामनगर गाउँपालिका, सर्लाहीमा कार्यरत इन्जिनियर रामजीबाबु यादव ५० हजार घुससहित पक्राउ परेका छन् । अख्तियार दुरूपयोग अनुसन्धान आयोगको कार्यालय, बर्दिवास महोत्तरीको टोलीले यादवलाई पक्राउ गरेको हो ।
यादवले सेवाग्राहीसँग गाउँपालिकाको बजेटबाट विद्युत जडान गर्ने (विद्युतको पोल, तार, ट्रान्सफर्मर) कार्यको प्राविधिक मूल्याङ्कनसहितको कार्य सम्पन्न प्रतिवेदन तयार गरी भुक्तानी दिन सहज गराइदिने भन्दै घुस रकम माग गरेका थिए ।
अख्तियारको टोलीले घुस वापतको रकम लिइसकेको अवस्थामा मलंगवा नगरपालिका–१०, अशोका होटलबाट उक्त रकम यादवलाई पक्राउ गरिएको केन्द्रीय प्रवक्ता प्रदीपकुमार कोइरालाले बताए ।
प्रकाशित मिति: शुक्रबार, साउन ३, २०७६ १५:२९
प्रतिक्रिया दिनुहोस्