उत्तरकाशी । भारत उत्तराखण्डको उत्तरकाशी जिल्लामा आश्चर्यजनक घटना सार्वजनिक भएको छ । स्वास्थ्य विभागको प्रतिवेदनअनुसार उत्तरकाशीमा पछिल्लो महिनाबाट एउटा पनि बालिकाको जन्म भएको छैन ।
घटना सार्वजनिक भएपछि उत्तरकाशी जिल्लामा भ्रुण हत्याको आशंका गरिएको छ । यो जिल्लाका एक सय ३३ गाउँमा पछिल्ला तीन महिनामा २१६ शिशु जन्मिएका छन् । तर, त्यसमा एक पनि बालिका छैनन् । उत्तराखण्डका मुख्यमन्त्री त्रिवेन्द्रसिंह रावतले घटनाप्रति चिन्ता जनाएका छन् । उनले अधिकारीहरुलाई घटनाको सम्पूर्ण विवरण उपलब्ध गराउन निर्देशन दिएका छन् ।
उत्तराखण्डकी महिला तथा बाल विकास राज्यमन्त्री रेखा आर्यले घटनालाई गम्भीर बताउँदै भनेकी छन्, “यस विषयमा अनुसन्धान गर्छौं । सबै आँगनवाडी केन्द्र (आँगन आश्रय) मा गर्भवती महिलाहरुको परीक्षण गर्न जरूरी छ । यसमा कहीँ न कहीँ गडबडी अवश्य पनि छ । जाँचपछि घटनाको सत्यतथ्य आउँछ । यदि कोही दोषी फेला परे उसका विरुद्ध कडा कारबाही गरिने छ ।”
एबीपी न्यूज
