काठमाडौं । नेपाली कांग्रेसका युवा नेता एवम नेविसघंका निवर्तमान अध्यक्ष नैन सिहं महरले सरकारले लोकसेवा आयोगको अपमान गरेको बताएका छन् ।
उनले सरकारले आयोगमा आफ्ना कार्यक्रता भर्ती गर्न करारमा राजपत्रांकित कर्मचारी भर्ना गर्ने निर्णय गरेर लोकसेवा आयोगको अस्थित्वमाथि प्रश्न चिन्ह खडा गरेको बताएका हुन् ।
सरकारले दुई तिहाईको दम्भ देखाउँदै हरेक क्षेत्रमा हस्तक्षेप गरेर आफूलाई राजा र राणाभन्दा पनि शोषक कम्युनिस्ट शासन हुन्छ भनेर प्रमाणित गरी सकेको र यो सरकारको पतनका दिन पनि नजीक आएको नेता महरले बताए ।
उनले भने, "नेपालको सबैभन्दा स्वतन्त्र र सम्मानित संवैधानिक निकाए लोकसेवा आयोगमार्फत कर्मचारी भर्ती नगरेर आफ्ना भाई भतीजा र कार्यक्रताहरु भर्ती गर्न कारारको व्यवस्था गरेको र मेहनती जेहेन्दार र लोकसेवामा आफ्नो भविष्य देखेका युवाहरुलाई विदेश जान बाध्य पारेर नेपाललाई अन्धकारतिर धकेल्न लागेको छ । "
दक्ष जनशक्ति विदेश पलायन गराएर भ्रष्टाचारको भूमरीमा पारेर देशलाई खोक्रो बनाउन लागेको आरोप नेता महरले लगाए । उनका अनुसार खानेपानी मन्त्रालय २१३ जना, वन तथा वातावरण मन्त्रालय ५० जना र श्रम रोजगार तथा सामाजिक सुरक्षा मन्त्रालय ७२६ जना गरी जम्मा ९८९ लाई अस्थायी दरबन्दीका लागि स्वीकृत गरिएको विषय नेविसघं र नेपाली कांग्रेसले नमान्ने र यो निर्णयलाई तुरुन्त फिर्ता लिन नेता महरले सरकारलाई आग्रह गरेका छन् ।