मनमोहन सिंहले दिए उपचुनावमा उमेदवारी

मनमोहन सिंहले दिए उपचुनावमा उमेदवारी

जयपुर । भारतका पूर्वप्रधानमन्त्री मनमोहन सिंहले राजस्थानबाट राज्यसभाको उपचुनावका लागि उमेदवारी दिएका छन् । उनले मंगलबार राजस्थानबाट राज्यसभाको उपचुनावका लागि उमेदवारी दिएका हुन् । 

उमेदवारी दर्तापछि पूर्वप्रधानमन्त्री सिंहले उमेदवारीका लागि टिकट दिएको भन्दै कांग्रेस पार्टीप्रति आभार व्यक्त गरेका छन् । विधानसभामा कांग्रेसको बहुमत हेर्दा राज्यसभा उपचुनावमा सिंह जित्ने सम्भावना रहेको भारतीय सञ्चारमाध्यमहरुले जनाएका छन् । 

भारतीय जनता पार्टी (बीजेपी) का राज्यसभा सदस्य मदनलाल सैनीको गत जुनमा निधन भएपछि उक्त सिटमा उपनिर्वाचन हुन लगेको हो । राजस्थान विधानसभामा कुल दुई सय सिट छन् । जसमध्ये दुई सिट रिक्त छन् । कांग्रेससँग सय जना विधायक छन् भने उसको गठबन्धन सहयोगी राष्ट्रिय लोकदलका एक विधायक छन् । 

त्यस्तै बीजेपीसँग ७२, बहुजन समाज पार्टीसँग छ, भारतीय ट्राइबल पार्टी, सीपीएम र राष्ट्रिय लोकतान्त्रिक पार्टीसँग दुई–दुई विधायक छन् । यस्तै १३ निर्दलीय विधायक छन् । 

एबीपी न्यूज
 

प्रतिकृया दिनुहोस
ad