लण्डन । ट्राफिक जाममा फसेको बेलामा बरु उडेर कार्यालय जान पाए कति सजिलो हुन्थ्यो भन्ने इच्छा धेरैले गरेको पाइन्छ ।  सबैलाई सोचेको जस्तो गर्न सम्भव हुँदैन । तर, इंग्ल्याण्डकोे प्यारामोटर ग्लाइडरले भने मान्छेको यो चाहनालाई सम्भव बनाइदिएको छ ।  मैदानको बीचमा खडा भएका टाम प्राइडो ब्रुनले आफ्नो पीठमा एक ठूलो जालीदार घेरा र प्यारामोटर ग्लाइडरमा जोडिएको पट्टी बाँधेका छन् । 

उनी काँधमाथिबाट डोरी खिचेर बाँधिराखेको मोटरलाई चालु गर्दिन्छन् । मोटर अन हुनासाथै पीठमा बाँधिएको ठूलो पंखा घुम्न थाल्छ । प्राइडो ब्रुन मैदानमा दौडिन शुरु गर्छन्  ।  १०–१२ कदम दौडैपछि उनी आफ्नो दुवै खुट्टा हावामा उठाउँछन् । उनको प्यारामिटर ग्लाइडर त्यतिबेलासम्म काम गर्न थालिसक्छ । त्यसले उनको शरीरको पूरै बोझ उठाइदिन्छ ।

टाम प्राइडो ब्रुनको कार्यालय दक्षिण पश्चिम इंग्ल्याण्डको विल्टशायरमा छ । मौसम सफा भएमा उनी हरेक दिन यसैगरी कार्यालय पुग्छन् । उनी भन्छन्,“पाइलटको रुपमा म हरेक बिहान पहिलो काम झ्यालको पर्दा हटाएर बाहिरको मौसम हेर्छु । ” प्राइडो ब्रुन शहरमा कि बाइकबाट चल्छन् कि चाहिँ पैदल हिंड्न मन पराउँछन् । तर, उड्न उनलाई बढी रोमाञ्चकारी र प्रेरणादायक लाग्छ । घरबाट कार्यालय जानका लागि उनी डार्सेट सम्म ३० किमी उडान भर्ने गर्दछन् । खेतमाथिबाट उडान भर्दा उनलाई रमाइलो लाग्छ । 

पंखामा जोडिएको इन्जिनतर्फ इशारा गर्दै उनी थप्छन्, “तपाईँलाई त्यति ठूलो इन्जिनको जरुरत हुन्छ जसमा चारदेखि ५ लिटर इन्धन चाहिन्छ ।”

उनी प्रतिघण्टा ५० किलोमिटरको रफतारमा उड्छन् । यद्यपि कतिपय प्यारामोटर ग्लाइडर यो भन्दापनि तीब्र गतिमा उड्न सक्छन् । उनी भन्छन्,“३० देखि ३५ माइल प्रति घण्टाको रफ्तार भएमा सफर निकै मजा हुन्छ ।ग्लाइडर एडभान्स छ भने तपाईले यसको गति दुई गुणा सम्म बढाउन सक्नुहुन्छ।”
उनी देहाती इलाकाको माथिबाट उड्छन् ।माथिबाट हराभरा खेतको दृश्य निकै रमाइलो देखिने गर्छ ।

“मेरो लागि उडान भर्नुको मतलब एक बिलकुल अलग नजरबाट दुनियाँ हेर्नु हो । म माथिबाट तल हेर्छु । स्कुल र खेत देख्छु । दिनको शुरुवात गर्ने यो शानदार तरिका हो ।”

प्राइडो ब्रुनको गन्तव्य नजिक आएपछि उनले आफ्नो उडानको गति घटाउँदै जान्छन् । त्यसपछि विस्तारै तल आउँछन् । उत्रने बेलामा पनि उनलाई १०–१२ मिटरको दौड गर्नुपर्छ । उनी एक इन्जिनवाला प्याराग्लाइडर प्रयोग गर्छन् । उनी कार्यालय भएको विल्टशायरमा पुग्दा रोमाञ्चक महसुस गर्छन् । 
उनी भन्छन्, “तपाईँ गन्तव्यमा पुग्दा उर्जाले भरिपूर्ण हुनुहुन्छ । उत्साहित हुनुहुन्छ । विचारले भरिएको अवस्थामा हुनुहुन्छ । यसले गर्दा तपाईँको दिन राम्रो हुन्छ ।”

प्राइडो ब्रुन प्याराजेट इन्टरनेशनल कम्पनीका सेल्स एण्ड मार्केटिङ डाइरेक्टर हुन् । उनको कम्पनीले यो उपकरण बनाउने  र बेच्ने गर्दै आएको छ ।

कार्यालयबाट घर जान आउनका लागि उडान भर्ने उनी एउटामात्र पात्र होइनन् । उनको कार्यालयका १२–१४ जना अन्य स्टाफ पनि प्यारामोटर प्रयोग गरेर कार्यालय जाने गर्छन् । यो समूह ठूलो हुँदै गइरहेको छ । उनी भन्छन्,“हामी उड्ने अनुभव साझा गर्न चाहन्छौं । मानिसहरुलाई प्रोत्साहित गर्न चाहन्छौं । ताकि धेरै भन्दा धेरै मानिस यसमा सामेल हुन सकून् ।”

आधिकारिक रुपमा यो तीन चार वर्ष पहिले सुरु भएको थियो । “हाम्रा सबै स्टाफले यो काम गर्छन् । तर एउटा कहावत छ, तपाईँ आफ्नो मेहनेत त्यही गर्नुस् जहाँ तपाई अवस्थामा सुधार गर्न सक्नुहुन्छ ” उनको भनाई छ ।  प्यारामोटरिंग खतराविहीन भने हुँदैन । प्राइडो ब्रुन भन्छन्,“हामी जे गर्छौं त्यसमा जोखिमको एक तत्वपनि हुन्छ ।यद्यपि यसमा त्यति धेरै खतरा छैन जति देख्नेलाई लाग्छ । तापनि जोखिम त रहन्छ नै । ”

पछिल्लो वर्ष उनका एक साथी प्यारामोटर सहित बिजुलीको तारमा अल्झेका थिए । उनी जमिनमा गिरे । त्यही कारणले उनको मृत्यु पनि भएको थियो । 

“हामी उचित प्रशिक्षण दिएर जोखिम कम गर्छौं ।राम्रो क्वालिटीको मेशीन र सही स्थितिमा उड्ने अनुभवले खतरालाई कम गराउँछ ।धेरैजसो घटना उडान भर्ने बेलामा हुन्छन् । प्यारामोटर पाइलटलाई पानीको माथि उडान नगर्न सल्लाह दिने गरिएको छ ” उनको भनाई छ ।
उनी भन्छन्,“मलाई लाग्छ कि ज्यादाजसो पाइलट यसको जोखिम संझिन्छन् । तर उड्ने रोमाञ्चकताका लागि उनीहरु खतरा मोल्न तयार हुने गरेका छन् ।”

अफसोचको कुरा यो हो कि प्यारामोटरिंग लण्डनका मान्छेका लागि होइन । लण्डनका मानिस कार्यालय जानका लागि यस्तो मोटरको प्रयोग गर्दैनन् । किनकी ठूलो निर्माण क्षेत्रमा यसलाई चलाउने इजाजत छैन । शहरी क्षेत्रमा यस्तो उडानलाई कानुनले प्रतिबन्धित गर्छ । 

तर, ग्रामीण क्षेत्रमा यसलाई रोक छैन ।प्राइडो ब्रुनका धेरैजसो ग्राहक यस्तै क्षेत्रका रहेका छन् । उनी भन्छन्,“तपाईलाई बिमान कानुनको जानकारी हुनु जरुरी छ । तर, मेरो ख्यालमा इंगल्याण्डको ७० प्रतिशत आकाशमा यसमाथि कुनै प्रतिबन्ध छैन ।” त्यसैले उनी प्यारामोटर ग्लाइडिंगको उडान भर्नुभन्दा अघि मौसम पूर्वानुमानको राम्रोसँग ख्याल गर्न सुझाव दिन्छन् ।
(बीबीसीबाट)