काठमाडौं । कालो हरिण शिकार मामिलामा सलमान खानको पुनः सुनुवाइ सुरु भएको छ । अदालतले उनलाई १ अप्रिलको मिति दिएको छ । यसअघि सलमानलाई आफ्ना वकिलसँग मिलेर मुद्दाको तयारी गर्नुपर्ने हुन्छ । यसपटक नयाँ एंगल खोजी गरिएको छ । फिल्मीबिटका अनुसार यसबाट सलमानलाई अप्ठ्यारो पर्न सक्ने देखिएको छ । उनले पहिले पनि अदालतबाट आजित भइसकेको बताएका थिए । सलमानले यसअघि पनि उनी शिकारमा नगएको र आरोप मिथ्या भएको बताउँदै आएका छन् ।
यदि आरोप झुठो हो भने सलमानलाई यति ठूलो मुद्दा लगाउँदा पनि सलमानले काउन्टर केस नगरेकामा प्रश्न गरिएको थियो । हालै यस मामिलामा बीना काकको संलग्नताको आशंका गरिएको थियो । काकले बलिउडमा सलमान खानको चलचित्र ‘मैने प्यार क्युँ किया’ बाट बलिउडमा इन्ट्री गरेकी थिइन् । तर योभन्दा अघि उनी राजस्थानमा अशोक गहलोत सरकारको वनमन्त्री थिइन् ।