उत्तर कोरियाले फेरि दुई वटा ब्यालेस्टिक मिसाइल परीक्षण गरेको छ । अमेरिका र दक्षिण कोरियाको संयुक्त सैन्य अभ्यासको विरोधमा लगातार मिसाइल परीक्षण गर्दै आएको उत्तर कोरियाले शनिबार छोटो दूरीका दुई वटा ब्यालेस्टिक मिलाइल परीक्षण गरेको हो 

दक्षिण कोरियाका ‘ज्वाइन्ट चीफ अफ स्टाफ’ ले भनेका छन्, “सेनाले दुई अज्ञात प्रक्षेपास्त्रहरु देखेको छ । ती छोटो दूरीका ब्यालेस्टिक मिसाइलहरु हुन सक्ने अनुमान गरिएको छ ।”

मिसाइलहरु जापान सागरमा खस्नुभन्दा अघि तीन सय ८० किलोमीटरसम्म हावामा रहेका र ९७ किलोमीटरको उचाईसम्म पुगेका बताइएको छ । दक्षिण कोरियाको राष्ट्रपति भवन ‘ब्लू हाउस’ ले उत्तर कोरियाका हतियारहरुको परीक्षणलाई मध्यनजर गर्दै राष्ट्रिय सुरक्षा परिषद्को बैठक बोलाइने बताएको छ । 

अमेरिका र दक्षिण कोरियाली सेनाको संयुक्त अभियानको विरोधमा उत्तर कोरियाले केही साताअघि पनि छोटो दूरीका कयौं मिसाइलहरु परीक्षण गरेको थियो । 

लाइभहिन्दूस्तान