नवभारत टाइम्सको रेटिङ २.५/५
भारतीय पाठकको रेटिङ २/५
कलाकारः प्रभास, श्रद्धा कपूर, नील नितिन मुकेश, मंदिरा बेदी, जैकी श्राँफ, चंकी पाण्डे, मुरली शर्मा, टीनू आनन्द, महेश मांजरेकर, अरुण विजय, एवलिन शर्मा
निर्देशकः सुजीत
जनराः एक्शन, ड्रामा
समयः २ घण्टा ५१ मिनेट
पछिल्लो केहि सातादेखि दर्शक प्रभासको चलचित्र ‘साहो’ रिलिजको प्रतीक्षा गरिरहेका थिए । चलचित्र रिलिज भैसकेको छ । यो चलचित्र बलिउडको सबैभन्दा महँगो चलचित्र मध्येको एक भएको बताइएको छ । नेपालमा पनि आज शुक्रबार बाट ‘साहो’ हलमा आइसकेको छ ।
भारतका चर्चित ट्रेड एनालिस्टले चलचित्रको बारेमा नकारात्मक प्रतिक्रिया दिएका छन् । उनले ठूलो बजेटमा बनेको चलचित्रको कमजोर कथा भएको भन्दै ट्विट गरेका छन् ।
भारतीय डिजिटल पत्रिका नवभारत टाइम्सले ‘साहो’ चलचित्रको बारेमा गरेको समीक्षा भने यस्तो छ ।
जोडदार एक्शन सिक्वेन्स र स्टार कास्टले भरिएको यस चलचित्रको कथामा दर्शकले धेरै नै ट्विस्ट र टर्नका साथै हिरोले धेरै भिलेनसँग सामना गरेको देख्न पाउछन् ।
ट्रेलरबाटै अनुमान लगाउन सकिन्छ की चलचित्रमा अभिनेता प्रभासको पात्रले भिलेनको सम्पूर्ण साम्राज्य नष्ट गर्दछ । चलचित्रको कथा मुम्बईमा घटेको एउटा ठूलो डकैतीबाट सुरु हुन्छ । सबैजना एउटा कालो बाकसको खोजीमा हुन्छन्, जुन बाकसमा सबैको भाग्यको साँचो हुन्छ । यहि खोजीको क्रममा कैयौं शहर घुम्दै कथा अघि बढ्छ ।
चलचित्रको फर्स्ट हाफदेखि नै एक्शन शुरु हुन्छ । प्रभासलाई सुरुदेखि नै स्क्रिनमा उपस्थित गराइएको छ । यस भूमिकामा प्रभास फिट त देखिन्छन् । तर यसमा दर्शकले ‘बाहुबली’ जस्तो आकर्षण भने कतै देख्न पाउँदैनन् ।
चलचित्रमा उनको डायलग डेलिभरी एकदम ढिलो छ । सायद चलचित्रमा उनको पात्र रहस्यमयी राखिएको कारणले उनको डायलग डेलिभरीमा ढिलाइ गरेको हुनसक्छ ।
चलचित्रमा अभिनेत्री श्रद्धा कपूर ग्लामरस अन्दाजमा देखिन्छिन् । तर उनको पात्रको बारेमा लेखकले राम्रोसँग लेखेका छैनन् । उनलाई एक बलियो पुलिसको भूमिकामा देखाउनुको सट्टा एक कमजोर लिंक बनाइएको छ, जसलाई अभिनेताले पटक पटक उद्धार गर्नुपर्दछ ।
चलचित्र हेर्दैगर्दा प्रभास र श्रद्धा बीचको केमेस्ट्रीमा पनि केहि कमी भएको महसुस दर्शकले गर्ने छन् । चलचित्रमा भएका भिलेनको कुरा गर्नुपर्दा, सबै भिलेनहरु मध्ये चंकी पाण्डेले चाहिँ दर्शकलाई अवश्य प्रभाव पार्ने छन् । बाँकी सबै भिलेन पात्रहरुको भूमिका निकै हल्का लेखिएका छन् ।
चलचित्रको सबै गीतहरु राम्रा छन् । तर चलचित्रमा यसको गलत ठाउँमा प्रयोग गरिएको छ । जसले यो लामो चलचित्रलाई अझै लामो बनाएको छ ।