नयाँ दिल्ली । फिल्म ‘बाहुबली’पछि अभिनेता प्रभासको नयाँ फिल्म ‘साहो’ विवादमा घेरिएको छ । गत शुक्रबारबाट प्रदर्शनमा आएको फिलम ‘साहो’ का निर्मातामाथि फ्रान्सेली फिल्म निर्देशक जरोम सलेले आप्mनो कामको नक्कल गरेको आरोप लगाएका छन् । 
उनले ट्विटरमा लेखेका छन्, “यस्तो लाग्छ कि ‘लाजरे विन्च’ को यो सेकेण्ड ‘फ्रीमेक’ पहलो जत्ति नै नराम्रो छ । यसैले तेलुगु निर्देशकहरु यदि तपाईं मेरो काम चोर्नुहुन्छ भने कम्तिमा यसलाई सही ढंगले गर्नुस् ।”
प्रभास अभिनित फिल्म ‘साहो’लाई हलिउड फिल्म ‘लाजरे विन्च’ को कपी मानिएको छ । ‘लाजरे विन्च’ निर्देशक सलेले निर्देशन गरेका थिए । कयौं दर्शकहरुले ‘साहो’ र ‘लाजरे विन्च’ को कथा समान रहेको बताएका छन् । 
समीक्षकहरुको राम्रो ‘रिभ्यू’ र ‘रेटिङ’ नदिए पनि ‘साहो’ले बक्स अफिसमा राम्रो आम्दानी गरिरहेको छ । प्रदर्शनको चौथो दिन अर्थात सोमवार पनि फिल्मले दोहोरो अंकको आम्दानी गरेको छ । 
फिल्म ‘साहो’ विभिन्न चार भाषामा रिलिज भएको छ । यसको हिन्दी भर्सनले चार दिनमा घरेलु बक्स अफिसमा ९३ करोड आम्दानीको आंकडा पार गरिसकेको छ । सुजीतद्वारा निर्देशित ‘साहो’ फिल्ममा प्रभाससँगै श्रद्धा कपुर, ज्याकी श्राफ र नील नितिन मुकेशलगायतका कलाकारहरुले अभिनय गरेका छन् ।