मेस्सी र रोनाल्डोजस्तै बन्लान् स्ट्रलिङ ?

मेस्सी र रोनाल्डोजस्तै बन्लान् स्ट्रलिङ ?

एजेन्सी । इङ्ल्यान्ड तथा म्यानचेस्टर सिटीका फर्वाड रहिम स्ट्रलिङलाई लियोनल मेस्सी र क्रिस्टियानो रोनाल्डोसँग तुलना गर्न मिल्दैन तर उनले गरेको प्रदर्शनका आधारमा भन्ने हो भने उनले भविष्यमा मेस्सी र रोनाल्डोको स्तरलाई नसम्हाल्न सक्लान् भन्न पनि सकिँदैन ।

सिजनको सुरुवात भएदेखि नै स्ट्रलिङले उत्कृष्ट प्रदर्शन गर्दै आइरहेका छन् । यूईएफए यूरो क्वालिफायर्स अन्तर्गतको आज बिहान कोसोभोसँग भएको खेलमा स्ट्रलिङले एक गोल गर्दै दुई गोलका लागि असिस्ट पनि गरे । उनले यो सबै खेल सुरु भएको ४५ मिनेटभित्र गरेका हुन् ।

यो सिजन क्लब र देशका लागि स्ट्रलिङले उत्कृष्ट प्रदर्शन गरिरहेका छन् । उनले क्लबका लागि ६ गोल गरेका छन् भने देशका लागि दुई गोल गरिसकेका छन् । २४ वर्षीय स्ट्रलिङले गएको दुई प्रिमियर लिगमा ३४ गोल गरेका थिए । तर उनी रोनाल्डो र मेस्सीको अवस्थामा पुग्न भने उनलाई त्यति सहज छैन । तर उनले यस्तै तरिकाले प्रदर्शन गर्दै गएमा भने रोनाल्डो र मेस्सीको बाटो पक्रेको भान भने अवश्य नै हुन्छ ।

“मेस्सी र रोनाल्डोको महत्पूर्ण पक्ष भनेको उनीहरुले फुटबल जीवनभर नै उत्कृष्ट प्रदर्शन गरिरहेका छन् । त्यसै कारणले मैले उनीहरुको लय समाल्न खोज्दैछु,” स्ट्रलिङले भने ।

म्यान्चेस्टर सिटीका लागि उत्कृष्ट प्रदर्शन गरिरहेका उनले क्लबका लागि दुई प्रिमियर लिग टाइटल जितिसकेका छन् । उनी प्रिमियर लिगको सर्वाधिक गोलकर्ताको उत्कृष्ट पाँचको सूचीमा सधै परेका छन् । उनी हाल इङ्ल्यान्ड राष्ट्रिय टोलीका लागि पनि उत्कृष्ट खेलाडी हुन् ।

“क्लब फुटबलमा यो मेरो तेस्रो सिजन हो । मैले अघिल्लो सिजन भन्दा उत्कृष्ट प्रदर्शन गर्ने प्रयास गर्नेछु । मैले अझै फुटबलबाट धेरै कुरा सिक्न बाँकी छ,” स्ट्रलिङले भने ।

स्ट्रलिङले गएको अक्टोबरमा स्पेनसँग भएको नेसन लिगमा इङ्ल्यान्डका लागि दुई गोल गरेका थिए । उनले खेलको १६ र ३८ औँ मिनेटमा गोल गरेका थिए । २०१२ मा इङ्ल्यान्डको राष्ट्रिय टोलीमा डेब्यू गरेका उनले टिमका लागि ५३ खेल खेल्दै १० गोल गरिसकेका छन् । 

प्रतिकृया दिनुहोस
ad