‘संसद्‍मा भजन र भजनमा राष्ट्रगान प्रीतिकर हुन्‍न’

‘संसद्‍मा भजन र भजनमा राष्ट्रगान प्रीतिकर हुन्‍न’

काठमाडौं । पशुपतिनाथ मन्दिरमा हरेक साँझ हुँदै आएको आरतीअगाडि राष्ट्रगान बजाउने निर्णयको चौतर्फी आलोचना भइरहेका बेला नेपाली कांग्रेसले पनि निर्णय फिर्ता लिन माग गरेको छ । 

कांग्रेस प्रवक्ता विश्वप्रकाश शर्माले बुधबार संस्कृति, पर्यटन तथा नागरिक उड्डयनमन्त्री जोगेश भट्टराईसँग पशुपतिनाथ मन्दिरमा आरती अगाडि राष्ट्रगान बजाउने निर्णय फिर्ता लिन माग गरेका हुन् । 

उनले ट्विटरमार्फत् मन्त्री भट्टराईलाई संसदमा भजन र भजनमा राष्ट्रगान प्रीतिकर नहुने स्मरण गराएका छन् । अध्यात्म र राष्ट्रियता भिन्नाभिन्नै भएको स्मरण गराउँदै प्रवक्ता शर्माले मार्क्सवादी कोणबाट अध्यात्म र राष्ट्रियताको फरक गरिमा र गाम्भिर्यता बुझ्न पनि आग्रह गरेका छन् । 

“प्रिय मित्र @yogesbhattarai पशुपतिको आरतीमा राष्ट्रगान फ्युजनको निर्णयमा ब्याक गियर लगाउनुस् । संसदमा भजन र भजन क्रममा राष्ट्रगान प्रीतिकर हुन्न,” शर्माले लेखेका छन्, “अध्यात्म र राष्ट्रियता भिन्न हुन् । मार्क्सवादी कोणबाट यी दुवैको फरक गरिमा र गाम्भिर्य बुझ्न कठिन दोषलाई शिरबाट ओराल्नोस् कमरेड ।”

प्रतिकृया दिनुहोस
ad