देश
काठमाडौं । रोल्पाको थवाङ गाउँपालिका–२ छेर्लोवाङमा पहिरो जाँदा आमाछोराको ज्यान गएको छ । अन्य चारजना बेपत्ता भएका छन् । प्रदेश नम्बर पाँच प्रहरीका प्रवक्ता प्रहरी नायब उपरीक्षक (डीएसपी) नवराज पोखरेलका अनुसार ज्यान गुमाउनेमा २८ वर्षीया श्रीकुमारी बुढा र उनका ४ वर्षीय छोरा असल बुढा छन् ।
अन्य चारजना पहिरोमै पुरिएका छन् । पुरिएकाहरुको उद्धार तथा खोजी कार्य जारी रहेको डीएसपी पोखरेलले बताए । पहिरोमा अन्य केही घर र गोठसमेत पुरिएका छन् । लगातारको वर्षापछि पहिरो गएको हो ।
प्रकाशित मिति: शुक्रबार, भदौ २७, २०७६ १२:१५
प्रतिक्रिया दिनुहोस्