वाशिङटन । एशिया र अमेरिकामा चराको संख्या घट्दै गएको दुईवटा प्रमुख अध्ययनहरुले देखाएका छन् । अमेरिका र क्यानडामा अहिले साना चराहरुको संख्या गएको ५० वर्षमा ३ बिलियन (३ अर्ब) वटा घटेको एउटा अध्ययनले देखाएको छ । यो संख्या १९७० यता २९ प्रतिशतले घटेको हो ।

यसैगरी अर्को अध्ययनमा एशियामा पनि खासगरी इण्डोनेशियाको जाभामा धेरै चराहरु जंगलमा भन्दा पनि पिंजडामा रहेको जनाइएको छ । वैज्ञानिकहरुले यो तथ्यलाई ‘वेक अप कल’का रुपमा लिनुपर्ने जनाएका छन् । 

यी दुई तथ्यहरु साइन्स एण्ड बायोलोजिकल कन्जरभेसनमा प्रकाशित भएका छन् । (बीबीसी)