काठमाडौं । झण्डै दुई दशकअघि आफ्नो अनुहारमा कालो रंगको मेकअप लगाएको विषयलाई लिएर क्यानडाका प्रधानमन्त्री जस्टिन ट्रुडेउले माफी माग्नु परेको छ । टेलिभिजन मार्फत उनले नश्लबादी इतिहासका कारण कालो रंगको मेकअप लगाउन आफूले अस्वीकार गर्नुपथ्र्यो भनेका छन् । मानिसहरुको दिल दुखाएका कारण आफूले माफी माग्ने समेत क्यानडाका प्रधानमन्त्रीले बताएका छन् ।
आगामी महिना क्यानडामा चुनाव हुँदैछ । तर, चुनावको मुखमा आफ्नो पहिलाको मेकअप सहितको फोटो र भिडियो सार्वजनिक भएपछि प्रधानमन्त्री अप्ठेरोमा परेका हुन् । उनले अहिले सर्बत्र दबाब महसुस गर्नु परिरहेको छ ।
एक तस्विरमा उनले अरेबियन नाइट्स थिमको पार्टीमा कालो मेकअप लगाएको देखिन्छ । क्यानडाको विपक्षी कन्जरभेटिक पार्टीका नेता अन्ड्रयु शीले प्रधानमन्त्रीले झूठो बालेको आरोप लगाउँदै उनले कैयौं पटक कालो मेकअप गरेको आरोप लगाएका छन् । प्रधानमन्त्रीले सो मेकअप सन् २००१ मा गरेको बताइएको छ ।
(बीबीसी)