काठमाडौं । नेपाली युवा लेगस्पिनर सन्दीप लामिछाने आबद्ध बारबेडोस ट्राइडेन्ट क्यारेबियन प्रिमियर लिग (सिपीएल) क्रिकेटमा आज सेन्ट लुसियासँग खेल्दैछ । चौथो खेलमा दोस्रो जितको खोजीमा रहेको बारबेडोस ट्राइडेन्ट सेन्ट लुसियासँग खेल्न लागेको हो । खेल बेलुका पौने ६ बजे सेन्ट लुसियाको घरेलु मैदानमा सुरु हुनेछ ।
यसअघिका तीन खेलमा सन्दीपले ४ विकेट लिएका छन् । आज पनि उनी बारबेडोसको प्लेइङ–११ मा पर्ने सम्भावना प्रवल छ । उनी अबको दुई खेलपछि सिंगापुर जानेछन् ।
सिंगापुर नेपाली राष्ट्रिय क्रिकेट टोली टेष्ट राष्ट्र जिम्बावे र सिंगापुरसँग त्रिकोणात्मक सिरिज खेल्नेछ । सन्दीप उक्त टोलीमा पनि छन् ।
सन्दीप आवद्ध बारबेडोसले ३ खेलमध्ये एकमा मात्र जित निकालेको छ । २ अंकसहित बारबेडोस पुछारबाट दोस्रो स्थानमा छ । १ खेल बढी खेलेको सेन्ट लुसिया २ अंकसहित चौथो स्थानमा छ ।