काठमाडौं । जितविहीन जिम्बावे बंगलादेशमा जारी त्रिकोणात्मक टि–ट्वान्टी सिरिजमा आज अफगानस्तानसँग खेल्दैछ । यसअघिका तीनै खेलमा हार ब्यहोरेको जिम्बावे पहिलो जितको खोजीमा अफगानस्तानविरुद्ध खेल्न लागेको हो । खेल बेलुका सवा ६ बजे जहुर अहेमद चौधरी स्टेडियममा सुरु हुनेछ । 

यसअघिको खेलमा जिम्बावेलाई हराइसकेको अफगानस्तान अपराजित यात्रालाई कायम राख्ने योजनामा रहँदा जिम्बावे २ अंक जोड्न चाहन्छ । 

टि–ट्वान्टी सिरिजमा अफगानस्तान यसअघिका दुबै खेलमा जित निकाल्दै शीर्षस्थानमा छ । घरेलु टोली बंगलादेश ३ मध्ये २ खेलमा विजयी भएको छ । जिम्बावे अंकविहीन छ ।