बोलेभियाको जंगलमा लागेको आगो नियन्त्रण गर्न खटिएका आगो नियन्त्रकहरु थकित भएका छन् । आगलागी दोब्बर दरमा वृद्धि हुँदै गएपछि उनीहरुले उक्त आगलागी नियन्त्रण गर्न सकिने आशा मारेका छन् । 
दुई दशकयताकै सबैभन्दा बढी आगलागी यस वर्ष भएको र पछिल्लो तीन सातामा आगलागी दोब्बर वृद्धि भइरहेको जनाइएको छ । उक्त आगलागीले त्यहाँको जैविक विविधतायुक्त जंगल विनाश गर्नुका साथै त्यहाँको चुरे क्षेत्र र कृषि भूमिमा समेत असर पुगेको छ । 

दुई महिनादेखिको निरन्तरको आगलागी नियन्त्रण गर्ने प्रयास जारी रहे पनि सुख्खा क्षेत्रमा पुन: आगलागीको क्रम जारी छ । "कत्ति पनि नियन्त्रणमा आउन सकेको छैन । आगलागी जारी छ, " नुफ्लो चाभेज प्रान्तका गभर्नर इलियास जोन्स भन्छन् ।

स्थानीय आगो नियन्त्रकले भने आफूसँग पर्याप्त उपकरण नहुँदा खासै प्रतिफल हासिल गर्न नसकिएको बताएका छन् । जोन्सका अनुसार करिब सात सयदेखि आठ सय आगो नियन्त्रकहरु घर फर्किसकेका छन् । अहिले उक्त काम पूर्ण रुपमा अर्जेन्टिनी र फ्रान्स र बोलिभियाली सेनाले सम्हालिरहेका छन् । 

चारजना आगो नियन्त्रकको त्यही मृत्यु भएको थियो । जसमा तीनजनाको नुहाउने क्रममा र एकजनाको हृदयघातका कारण मृत्यु भएको बताइएको छ । 
रोयटर्स