गुगलले दिल्ली उच्च अदालतलको आदेश सर्वसाधारणको अभिव्यक्ति स्वतन्त्रताविरुद्ध भएको जनाएको छ । दिल्ली उच्च अदालतले भारतीय कलाकार सुबोध गुप्तामाथिको यौन दुर्व्यवहारको आरोप लागेका सामग्री भएको वेबपेज हटाउन गुगललाई आदेश दिएको थियो ।
तर, गुगलले भने उक्त आदेश सर्वसाधारणको इच्छा विपरित भएको र यसले विचार र अभिव्यक्ति स्वतन्त्रतामा नकारात्मक असर पर्ने भएकोले सुबोध गौतममाथि यौन दुर्व्यवहारको आरोप लागेका सामाग्री तथा वेबपेज हटाउन नसकिने बताएको छ ।
एक वर्षअघि #MeeToo अभियानका क्रममा सुबोधमाथि यौन दुर्व्यवहार गरेको आरोप लगाइएको थियो । गत महिना दिल्ली उच्च अदालतले सामाजिक सञ्जाल प्लेटफर्म फेसबुक र गुगललाई गौतममाथिको दुर्व्यवहार लगाइएका वेबपेज हटाउन आदेश दिएको थियो । फेसबुकले दिल्ली उच्च अदालतका न्यायाधीश राजिभ साही एन्डलालाई गुप्ताविरुद्धका आरोप भारतीय प्रयोगकर्ताले हेर्न नपाउने जानकारी गराएको थियो । यद्पि भारत बाहिरका प्रयोगकर्ताहरुले भने उक्त पोस्टहरु भने हेर्न सकिन्छ ।
गुगलले पनि उक्त वेबपेज थर्ड पार्टी कन्टेन्ट भएकोले आफ्नो पहुँच सर्च इन्जिनमा मात्र भएकोले उक्त पोस्टहरु हटाउन नमिल्ने र आफ्नो नियन्त्रणमा नभएको दिल्ली उच्च अदालतलाई जानकारी दिएको छ ।
स्क्रोलडटइन
