सुन्दरतालाई पनि गणितीय मापदण्डमा मापन गर्न मिल्ने दाबी वैज्ञानिकहरुले गरेका छन् । अब आँखाले हेरेर कसैको सुन्दरताको बयान गर्ने समय गएको छ । यसको एकमात्रै र ताजा उदाहरण हो– ‘गोल्डेन रेशियो’को हालै सार्वजनिक भएको गणितीय सुन्दरता मापनको रिजल्ट ।
सुपरमोडल बेला हदीद विश्वकै सबैभन्दा सुन्दर महिला सावित भएकी छिन् । ‘गोल्डेन रेशियो’को स्केलमा २३ वर्षिय बेलाको अनुहार क्लासिक ग्रीक क्यालकुलेशनको स्केलमा मिलेको छ । रिसर्चमा अनुहारका हरेक अंगहरुको मापदण्ड गरिएको थियो ।
‘गोल्डेन रेशियो अफ ब्युटी स्टायान्डर्ड’ का अनुसार केही वैज्ञानिकको समूहले धर्तीको सबैभन्दा सुन्दर महिलाहरुको खोजीको क्रममा भिक्टोरियाज सिक्रेट मोडलहरुको अनुहारमा अनुसन्धान गरिएको थियो । उतm अनुसन्धानबाट उनीहरु यो स्केलमा लगभग मिल्न गएको निष्कर्ष निकालेको हो ।
यसमा अनुहारको अनुपात मापदण्डद्वारा मापन गरिएको छ । यो स्केल ग्रीक विद्धानहरुद्वारा वैज्ञानिक सुत्रका अनुसार सुन्दरताको परिभाषित गर्नको लागि प्रयोग गरेको थियो ।
‘गोल्डेन रेशियो’को मापदण्डअनुसार २३ वर्षिय बेलाको अनुहार ९४.३५ प्रतिशत मिलेको छ । यसैगरी पप गायिका बियोन्सेको अनुहार उतm स्केलको ९२.४४ प्रतिशतमा पर्न सफल भई दोस्रो स्थानमा परेकी छिन् ।
तेस्रो विश्व सुन्दरीमा ९१.८५ प्रतिशत अनुपातमा अभिनेत्री अम्बर हर्ड परेकी छिन् भने पप स्टार एरियाना ग्रान्डे ९१.८१ प्रतिशतको साथ चौथो स्थानमा छिन् ।
यो मापन लन्डनको प्रतिष्ठित हार्ले स्ट्रीटका एक लोकप्रिय फेशियल कस्मेटिक सर्जन डा. जुलियन डी सिल्वाले गरेका थिए 
नवभारत टाइम्स
