काठमाडौं । युनाइटेड अरब इमिरेट्स (युएई) मा सुरु तेस्रो संस्करणको टी-१० लिग अन्तर्गत नेपाली क्रिकेटर पारस खड्काको टिम आबुधाबीले पहिलो जित हात पारेको छ ।
आइतबार भएको खेलमा आबुधाबीले नर्थन वारियर्सलाई ६ विकेटले पराजित गरेको हो । वारियर्सले दिएको ९३ रनको लक्ष्य आबुधाबीले ८ ओभर ३ बलमा चार विकेट गुमाउँदै पूरा गरेको थियो ।
आबुधाबीका लागि लुके राइस्टले सर्वाधिक ४८ रनको योगदान गरे । त्यस्तै मोइन अलीले ३० रन जोड्दा निरोशनले ८ रन बनाए । पारस खड्काले अविजित रहँदै १ रन जोड्दा आलेक्स डेविडले पनि १ रन जोडे ।
यसअघि शेख ज्याद स्टेडियममा भएको खेलमा टस जितेर पहिलो ब्याटिङ गरेको वारियसले निर्धारित १० ओभरमा १ विकेट गुमाउँदै ९२ रन बनाएको थियो ।
वारियर्सका लागि कप्तान डरेन स्वामीले १७ रनको योगदान गरे । त्यस्दै सम विलिङले ३५ रन बनाउँदा आन्द्रे रसेलले ३७ रनको योगदान गरे ।
बलिङतर्फ आबुधाबीका लागि वेन लौग्लिनले एक विकेट हात पारे ।