आशुतोष गोवारिकरको ऐतिहासिक चलचित्र ‘पानीपत’ पछि निर्देशक ओम राउत ‘तान्हाजी द अनसँग वारियर’ लिएर आएका छन् । ‘पानीपत’ पछि ‘तान्हाजी’ अर्को एउटा ऐतिहासिक चलचित्र हो, जुन मराठा साम्राज्यका शूरवीरलाई भव्य अन्दाजमा प्रस्तुत गर्न सफल बनेको छ । ऐतिहासिक त्यो पनि युद्धको विषयमा बनेका चलचित्रहरू बोझिलो र बोरिङ हुन्छ । तर निर्देशकको खुबी मान्नुपर्छ कि यो चलचित्रमा रोमान्स, थ्रिल, विश्वासघातजस्ता सबै पक्ष समेटिएको छ । यसलाई अझै उत्कृष्ट बनाउने अर्को महत्त्वपूर्ण तत्त्व हो थ्रीडी इफेक्टस् ।

‘तान्हाजी’ इतिहासको त्यो पल हो, जहाँ औरङजेब (ल्युक केनी) पूरै हिन्दुस्तानमा मुगलिया परचम फैलाउने रणनीति बनाउँदै थिए र दक्षिण शिवाजी महाराज आफ्नो स्वराज्यलाई लिएर खाएको कसममा प्रतिबद्ध हुन्छन् ।

इतिहासमा यो युद्ध ४ फेब्रुअरीमा सिंहगढको युद्धको नाममा लेखिएको छ । १७औं शताब्दीमा शिवाजी महाराजको निकट मित्र र जांबाज योद्धा सुबेदार तान्हाजी मालसुरे (अजय देवगन) आफ्नी श्रीमती सावित्रीबाई (काजोल) सहित छोरीको विवाहको तयारीमा व्यस्त छन् । तर उनी यो कुराबाट अनभिज्ञ छन् कि पुरन्दर सन्धिमा कोन्डाना फोर्टसहित २३ किल्ला मुगललाई हस्तान्तरणगरेपछि पनि मुगल सुल्तनतको भोक मेटिँदैन । राजमाता जीजाबाईले कोंडाणाको किल्ला मुगललाई जिम्मा लगाइदिएका थिए, त्यही समय उनले किल्लामा पुनः भगवान् फरफराएसम्म पादुका नलगाउने शपथ लिएका थिए । औंरगजेब आफ्नो खास विश्वासिलो पात्र बर्बर प्यादे उदय भानु राठोर (सैफअली) लाई ठूलो संख्यामा सेना र नागिन नामक तोप लिएर कोंडाणा किल्लाको यात्रामा अघि बढ्न आदेश दिएर मराठा साम्राज्यलाई खतम गर्ने मन बनाइसकेको हुन्छ ।

निर्देशक ओम राउतले चलचित्रमा कथासँगै भीएफएक्समा पनि निकै मिहिनेत गरेका छन् । चलचित्रमा ग्रिपिङ छ । थ्रीडी इफेक्टसमा युद्धको दृश्यहरू हेर्नु कुनै भिजुअल ट्रिटभन्दा कम छैन । जर्मनीका द्वन्द्व निर्देशक रमाजानले मराठाको छापामार युद्ध टेक्निकलाई ध्यानमा राखेर त्यो समयको युद्धको दृश्यको डिजाइन गरेका छन्, जुन निकै रोचक बनेको छ ।
संगीतको पाटोमा पनि अजय अतुल र मेहुल व्यास जस्ता संगीतकारहरू छन् ।

जाबाज योद्धाका रूपमा अजय देवगन निकै फिट देखिएका छन् । काजोलसँग उनको केमेस्ट्री उत्तिकै सुहाएको छ । उदयभानु राठोरको भूमिकामा सैफ अली खान निकै जबरजस्त देखिएका छन् । कति दृश्यमा अजय र सैफको अभिनय एक–अर्कालाई टक्कर दिने खालको छ ।

तान्हाजीमा खलपात्र निकै मजबुत देखिएका छन् । सैफले आफ्नो भूमिका निकै सशक्त रूपमा निभाएका छन् ।

अभिनेत्री काजोलले पनि आफ्नो भूमिका निकै इमानदारी साथ निभाएकी छिन् । तर काजोललाई अति धेरै स्पेस दिइनुपर्ने देखिएको छ ।

शिवाजीको भूमिकामा शरद केलकरको शारीरिक बनावटले त्यति न्याय दिन नसके पनि आफ्नो बडी ल्याङ्वेज र अभिनयले उनले आफ्नो भूमिकालाई स्मरणीय बनाएका छन् । 
ऐतिहासिक कथा त्यो पनि थ्रिडीमा मन पराउनेहरूका लागि ‘तान्हाजी’ उत्तम हुने छ ।

० ० ०
कलाकार : अजय देवगन, सैफ अली खान, काजोल, शरद केलकर, नेहा शर्मा पद्मावती राव, शशांक शेडेट
नवभारत टाइम्स रेटिङ ३.५/५
दर्शकको रेटिङ : ३/५
निर्देशक : ओम राउत
चलचित्रको जानरा : इतिहास, ड्रामा
समय : २ घण्टा १५ मिनेट

(नवभारत टाइम्स)