इश्लामावाद । भारत र पाकिस्तानका सेनाबीच भनाभनको अवस्था सिर्जना भएको छ । भारतीय सेनाका नवनियुक्त प्रमुख मनोज मुकुन्द नरवणेले संसदले भनेमा पाकिस्तान शासित काश्मीर नियन्त्रणमा लिन सेनाले कदम चाल्न सक्ने बताएपछि पाकिस्तानी सेनाले त्यसमा आपत्ति जनाएको छ ।
पाकिस्तानी सेनाका प्रवक्ताले भनेका छन्,‘‘भारतीय आर्मी चिफले लाइन अफ कन्ट्रोल (एलओसी) पार गरेर सैन्य कारवाही गर्ने भनाइ उनको नियमित बयानबाजीको हिस्सा हो । ताकि देशमा चलिरहेको आन्तरिक उथलपुथलबाट मानिसको ध्यान हटाउन सकियोस् ।’’
ट्विट गर्दै पाकिस्तानी सेनाका प्रवक्ताले भनेका छन्,‘‘पाकिस्तानको सेना कुनै पनि किसिमको भारतीय आक्रमणको जवाफ दिन पूरा हिसाबले तयार छ ।’’
यसअघि भारतीय सेनाका प्रमुख नरवण्ोले शनिबार नयाँ दिल्लीमा आयोजित आफ्नो पहिलो पत्रकार सम्मेलनमा भनेका थिए,‘‘भारतीय संसदले यदि पाकिस्तान अधिनस्थ काश्मीर पनि भारतमा चाहन्छ र हामीलाई यसबारेमा कुनै आदेश आउँछ भने हामी उचित कारवाही गर्नेछौं ।’’ (बीबीसीबाट)