बेरुत । लेबनानको राजधानी बेरुतमा गत मंगलबार राति भएको शक्तिशाली विस्फोटमा मृत्यु हुनेको संख्या २०० पुगेको छ ।
बेरुतका गभर्नर मारवान अब्बोउडले अझै दर्जनौं मानिस बेपत्ता भएको बताएका छन् । बेपत्ता हुनेमध्ये अधिकांश विदेशी कामदार रहेको बताइएको छ । उक्त विस्फोटमा परी करिब ५०० जना घाइते भएका छन् । उनीहरुको विभिन्न अस्पतालमा उपचार भइरहेको छ ।
हाल सेनाले उनीहरुको खोजी गरिरहेको छ । विस्फोटको मुख्य कारण एक गोदाममा वर्षौंदेखि राखिएको दुई हजार ७५० टन अमोनियम नाइट्रेट भएको राष्ट्रपति माइकल आओनले बताएका थिए ।
उक्त विस्फोटपटि सहर खण्डर बनेको छ । विस्फोटमा सरकारको कमजोरी मुख्य कारक भएको बताउँदै जनताहरु आन्दोलित भएका छन् । आइतबार राति पनि ठूलो प्रदर्शन भएको थियो । आक्रोशित प्रदर्शनकारी र प्रहरीबीच झडपसमेत भएको छ ।
उक्त विस्फोटपछि मानिसहरु विस्फोटबाट तहसनहस भएका घरमै रात काट्न बाध्य भएका छन् । अधिकांश घरका झ्याल छैनन् भने कतिवटा घरमा ढोकासमेत छैनन् ।
संयुक्त राष्ट्रिय नियोगहरुले लेबनानमा मानवीय संकट आउने बताएका छन् । राष्ट्रिय संघीय नियोगले तत्काल खाद्यान्न र स्वास्थ्य सामग्री उपलब्ध गराइनुपर्ने बताएका छन् ।
अन्तर्राष्ट्रिय दाताहरुले लेबनानका लागि २९७ मिलियन अमेरिकी डलरको सहयोग प्रतिबद्धता व्यक्त गरेका छन् । विस्फोटलगत्तै लेबनान पुगेका फ्रान्सका राष्ट्रपति इम्यानुएल म्याक्रोनले उक्त सहयोग सम्मेलनको आयोजना गरेका हुन् । उक्त सहयोग रकम सीधै लेबनानी जनतालाई उपलब्ध गराइने जनाइको छ । -बीबीसी