काठमाडौं । भारतका वरिष्ठ राजनीति विश्लेषक एवम् नेपाल मामिलाका जानकार अजीत सिंहले १९८०को दशकमा वैश्विक रुपमा भएको राजनीतिक परिवर्तनपछि बीपी कोइराला राजनीतिक हस्तीको रुपमा स्थापित भएको बताएका छन् ।

३६ औं बीपी स्मृति दिवसका अवसरमा बीपी चिन्तन प्रतिष्ठानले भारतको राजधानी नयाँ दिल्लीमा गरेको कार्यक्रममा सिँहले नयाँ राजनीतिक परम्पराको सुरुवाता पनि त्यहीँबाट भएको बताए । भारतका पूर्वप्रधानमन्त्री चन्द्रशेखरले कुनै बेला बीपी कोइरालाप्रति दिएको अभिव्यक्ति सम्झँदै सिँहले बीपीको पूर्णरुप विश्वेश्वरप्रसाद मात्रै नभएर ‘बडा प्रसास’ भएको पनि बताएका थिए ।

कार्यक्रममा बीपी चिन्तन प्रतिष्ठानका संस्थापक अध्यक्ष सन्दीप रानाले बीपी कोइराला नेपालको मात्रै नभएर समाजवादको नाममा समग्र दक्षिण एसियाकै नेता भएको स्मरण गरे । उनल बीपीले नेपालको प्रजातान्त्रिक स्थापनाका लागि मात्रै नभएर भारतको स्वतन्त्रताका लागि पनि योगदान दिएको चर्चा गरे ।