मनोज गजुरेल स्टारर चलचित्रले लियो रिलिज डेट 

मनोज गजुरेल स्टारर चलचित्रले लियो रिलिज डेट 

काठमाडौं । भ्रष्टाचारविरुद्धको सन्देश बोकेको चलचित्र ‘सयकडा दश’ ले रिलिज डेट लेक गरेको छ । हाँस्य कलाकार मनोज गजुरेल स्टारर सोसल ड्रामाले माघ १८ गतेलाई रिलिज मिति तय गरेको हो । 

शनिबार ललितपुर हात्तिवनमा आयोजित समारोहमा निर्माताले मिति घोषणा गरे । उक्त अवसरमा स्थानीय मानव सेवा आश्रमका दुई दर्जन वृद्धवृद्धा र अशक्तलाई भोजन र सरसफाइका सामाग्री प्रदान गरियो । 

“फिल्मले सामाजिक र सांस्कृतिक सन्देश दिन्छ र यसको कथावस्तु मनपरेकैले फिल्म गरेको हुँ,” आफ्नो डेब्यु फिल्मबारे गजुरेलले भने, “बागमती सफाइ अभियन्ता र अध्यात्म क्षेत्रमा सक्रिय निर्मातासँगको सहकार्यले फिल्मलाई अझ जीवन्त तुल्याएको छ ।”

रंगमञ्च अभिनयले चलसचित्र करियरमा सजिलो भएको उनले उल्लेख गर्दै उनले भने, “चलचित्रको अन्तर्य प्रेम मात्र होइन, भ्रष्टाचारले प्रेमदेखि परिवारमा पार्ने प्रभाव समेत हो । मलाई पहिले जति फिल्म अफर आए, ती सबै सूत्र शैलीमा थिए, सयकडा दश नितान्त भिन्न छ ।”

अभिनेता राजाराम पौडेलले सयकडा दशलाई आफ्नो फिल्मी करियरकै सर्वोत्कृष्ट फिल्मको रुपमा व्याख्या गरे । “मैले करियरमा जति फिल्म खेलेँ, तीमध्येको उत्कृष्ट हो र फिल्म हेरिसकेपछि दर्शकले मनभित्र जतन गरेर राख्नेछन्,” उनले भने । 

रामशरण पाठक निर्देशित फिल्मले भ्रष्टाचारले प्रेम, परिवार र समाजमा पारेको प्रभावको कथा भन्छ । पौडेल र गजुरेलसहित अमृत ढुंगाना, करुणा श्रेष्ठ, अमित पोखरेल, सोनिया राईको अभिनय रहेको फिल्मलाई पाठकले लेखेका हुन् । 

दर्शन नेपाल क्रिएसन प्रालिको ब्यानरमा निर्माण भएको फिल्मलाई रज्जु प्रधान र उत्तम खत्रीले निर्माण गरेका हुन् । साजन थापा सहनिर्माता हुन् । निर्माताले च्यारिटीसहित सामाजिक कार्यमार्फत पनि फिल्मको प्रवद्र्धन गर्ने प्रचार संयोजक सुदीप पौडेलले बताए ।  


 

प्रतिकृया दिनुहोस
ad