देश
दाङ । प्रहरीले दाङमा एक युवालाई पेस्तोलसहित पक्राउ गरेको छ । घोराही उपमहानगरपालिका–१२ का २१ वर्षीय जुनकुमार बुढालाई रिभल्वर पेस्तोलसहित घोराही बजारबाटै पक्राउ गरिएको जिल्ला प्रहरी प्रमुख एसपी कृष्णहरि शर्माले बताए ।
हतियार बोकी हिँडिराखेको सूचनाका आधारमा शरीर खानतलासी गर्दा पेस्तोल भेटिएको उनले जानकारी दिए । बुढालाई जिल्ला प्रहरी कार्यालयमा पत्रकार सम्मेलन गरी सार्वजनिक गरिएको हो । उनीमाथि थप अनुसन्धान भैरहेको एसपी शर्माले बताए । यसअगाडि प्रहरीले घोराहीमा एक युवालाई पेस्तोलसहित पक्राउ गरी मुद्दा चलाइसकेको छ ।
प्रकाशित मिति: बिहीबार, असोज ४, २०७५ १६:४६
प्रतिक्रिया दिनुहोस्