काठमाडौं । एपीएफका विजय थापा र टंक अवस्थीले ओप्स टु ‘ए’ साइड पुरुष तथा महिला भलिबल प्रतियोगितामा विजयी शुरुवात गरेका छन् । नयाँ बसपार्कस्थित ढोरपाटन भलिबल प्रशिक्षण केन्द्रमा आज भएको उद्घाटन खेलमा विजय र टंकको जोडीले बाग्लुङका ओमप्रकास जिसी र सूर्य छन्त्यालको जोडिमाथि २१–१६,१५–२१ र २२–२० को जित निकालेका छन् ।
संजय बुढाथोकी र विजय बस्नेतको जोडी, महेन्द्र छन्त्याल र देवेन्द्र श्रीसको जोडी र होम पुन र कञ्चन शाहीको जोडीले सफलता हात पार्दै दोस्रो चरणमा स्थान बनाएको छ ।
असोज १३ सम्म संचालन हुने प्रतियोगितामा पुरुषतर्फ ३२ टोलीको सहभागिता रहेको छ । प्रतियोगिताको पुरुषतर्फको विजेताले ४० हजार रुपैयाँ प्राप्त गर्नेछ । दोस्रो हुनेले २० हजार तथा तेस्रो हुनेले ५ हजार प्राप्त गर्ने आयोजकले जनाएको छ । महिलातर्फको विजेताले २० हजार, उपविजेताले १० हजार र तेस्रो हुनेले ५ हजार पाउनेछ ।
