काठमाडौं । सप्तरीमा गएराति प्रहरी इन्काउन्टरमा तराई मुक्ति मोर्चाका अध्यक्ष दीपेन्द्र जैसवालको मृत्यु भएको छ । प्रदेश नम्बर २ प्रहरी उच्च स्रोतले दिएको जानकारीअनुसार प्रदेश प्रहरी कार्यालयको गस्तीमा रहेको टोलीसँगको दोहोरो भिडन्तमा जयसवालको मृत्यु भएको हो ।

जैसवालको समूहले २०७४ सालमा सप्तरीमै प्रहरीको गाडीमा एम्बुस प्रहार गरेका थिए । २०७२ भदौमा प्रहरी असई रमेश सुब्बाको गोली हानी हत्या गरेको प्रहरी स्रोतले जनाएको छ । उनी प्रहरीको खोजी सूचीमा थिए । ‘मोस्ट वान्टेड’ सूचीमा रहेका उनको साथबाट प्रहरीले एकथान पेस्तोल पनि बरामद गरेको जनाएको छ ।
जयसवालकै टोलीले सप्तरीको विसनपुर चौकीका प्रहरी हवल्दार महेन्द्र यादवलाई गोली प्रहार गरेको थियो । हवल्दार यादव अहिले उपचाररत छन् ।